શબ્દઃ 'મરીઝ'સ્વરઃ મનહર ઉધાસ
આલ્બમઃ અક્ષર
તને જોયા કરું છું પણ, મિલન મોકા નથી મળતા;
સિતમ છે સામે મંઝિલ છે, અને રસ્તા નથી મળતા.
તને જોયા કરું છું પણ....
નવીનતાને ન ઠુકરાવો, નવીનતા પ્રાણ-પોષક છે;
જુઓ કુદરત તરફથી શ્વાસ પણ જૂના નથી મળતા.
તને જોયા કરું છું પણ.....
ભલા એવા જીવનમાં શું ફળે જીવનની ઇચ્છાઓ;
કે જ્યાં મરજી મુજબનાં નીંદમાં સ્વપનાં નથી મળતાં.
તને જોયા કરું છું પણ......
કરી શકતો નથી હું મારા મિત્રોની કદરદાની;
ફકત એ કારણે કે દુશ્મનો સાચા નથી મળતા.
તને જોયા કરું છું પણ......
'મરીઝ' અલ્લાહના એકત્વમાં શંકા પડે ક્યાંથી;
જગતમાં જ્યારે બે ઇન્સાન પણ સરખા નથી મળતા.
તને જોયા કરું છું પણ......
